lipu pi jan Telakoman

Project maintained by joelthomastr Hosted on GitHub Pages — Theme by mattgraham

tomo > lipu ni

toki mi lon suno pi+toki-pona

tenpo+mun nanpa luka tu wan pi+++sike suno ni la kulupu pi+toki-pona li pali e ni: suno pi+toki-pona. tenpo+suno ni li suli tan ni: tenpo+suno sama lon sike suno pini luka luka luka luka la jan [_sona_open_nasin_jan_ale] li pana e lipu nanpa wan pi+toki-pona tawa ma ale. ni la kulupu pi+toki-pona li toki e ni: tenpo+suno sama lon sike suno ni la mi ale o pali e tenpo+musi. sina ken lukin e sitelen+tawa ale lon ma [_jan_utala_telo_uta].

jan mute li pali e ijo mute lon suno pi+toki-pona. ona li pali e utala musi e kalama musi e toki musi. mi la suno pi+toki-pona li tenpo+pona tawa ni: mi pana e sona mi pi+toki-pona tawa jan ale. ni li tan ni: nasin mi pi+toki-pona li nasin sona. mi musi kepeken sona.

suno pi+toki-pona la mi pali e toki+suli tu. sina ken kute e toki tu mi lon sitelen tawa lon ma [_jan_utala_telo_uta]. taso mi pilin ike lili tan ni: toki ale mi li lon toki [_ilo_nasin_li_ilo]. tenpo kama la mi wile e ni: mi pana e sona ale ni lon toki-pona. mi jo e tenpo tawa ni la mi pali e ni.

toki nanpa wan: toki-pona li nasin lukin pi+sona+toki

toki ni la mi toki e ni: toki-pona li musi mute, taso toki-pona li musi taso ala. toki-pona li sama ilo pi++wawa mute tawa ni: kepeken toki-pona la jan li ken lukin e sona+lili ale pi+insa pi+toki+jan.

jan+sona mute li lukin e ni: nasin toki li mute lon ma ale. nasin toki ale li ante li ken nasa e lawa+jan. ni la kulupu lili pi+jan+sona li pali e nasin lukin. nasin lukin ni la jan li lukin e sona+lili ale pi+insa pi+toki+jan. taso nasin lukin ni li ken ike tan ni: jan li wile sitelen e toki mute. nasin lukin ni li nasin toki ala. jan li ken ala toki kepeken nasin lukin ni.

mi toki e ni: toki-pona li pona mute tan ni: toki-pona li sama nasin lukin pi++kulupu lili pi+jan+sona. kepeken toki-pona la jan li ken lukin e sona+lili ale pi+insa pi+toki+jan. taso tenpo sama la jan li ken toki kepeken toki-pona! nasin toki li kepeken ma ale lon insa pi+lawa+jan. ni la toki-pona li ilo pi++wawa mute.

toki nanpa tu: nasin pona pi++ante toki

toki ni la mi pana e sona pi++ante toki. sona ni li lon ijo+toki ni lon lipu mi pi+tenpo+pini: nasin pana pi+sona+suli kepeken toki-pona.

taso toki ni la mi pana ala e sona taso. tenpo sama la mi pana e lukin. sina kute e toki mi la sina kama sona e ni: jan li kepeken nasin ni la ni li lukin sama seme. sina ken kepeken nasin sama kepeken nasin seme

mi wile e ni: sina lukin e sitelen+tawa ni sina kama sona e sona+pona anu sina musi.

2021-10-10 la mi ante e lipu ni. tenpo kama ona la mi ante ala.