lipu pi jan Telakoman
Project maintained by joelthomastr Hosted on GitHub Pages — Theme by mattgraham
| sitelen Lasina | sitelen-pona | sitelen pona pona | sitelen telo | Literal English |
tomo > lipu ni
nasin pi+sitelen+ma pi+jan [_e_ken_ilo_tawa_e] ala
mi toki e ni: jan li ken pana e sona ale kepeken toki-pona. taso sina ken toki e ni: “jan ala li pana e sona+suli kepeken toki-pona. ni la, mi ken ala sona e ni: toki sina li lon anu seme?”
sina toki e ni la mi pilin e ni: nasin sina li pona. mi toki e ni: “ijo ni li lon.” sina toki e ni: “mi lukin e ijo pi++toki sina la mi ken toki e ni: ijo ni li lon. taso mi lukin ala la mi ken ala toki e ni.” ni li nasin pi+lawa+wawa.
ni la mi pali e sitelen+tawa pi++nimi ni: nasin pi+sitelen+ma pi+jan [_e_ken_ilo_tawa_e] ala. ni li sona pi++suli mute tawa mi! taso sina lukin e sitelen+tawa ni la sina lukin e ni: jan li ken pana e sona+suli kepeken toki-pona.
sina wile la sina ken lukin e sitelen+toki lon toki [_ilo_nasin_li_ilo] anu toki-pona. sina wile e sitelen+toki lon toki-pona la o ante e ona tawa “toki [_ilo_nasin_li_ilo] pi+ma [_kasi_alasa_nasin_awen_telo_a].”
mi wile e ni: sina lukin e sitelen+tawa mi la sina musi. lukin pona!
2021-07-07 la mi ante e lipu ni. tenpo kama ona la mi ante ala.