lipu pi jan Telakoman

Project maintained by joelthomastr Hosted on GitHub Pages — Theme by mattgraham

tomo > lipu ni

toki+pona li sama ala sitelen [_sona_o_ni_kon_o]

mi pana e lipu ni lon lipu+tenpo nanpa mun

toki+pona li nasin toki suwi. taso mi la toki+pona li ni taso ala. toki+pona li nasin sin pi+toki+insa. kepeken ona la jan li ken pona e sona ale.

mi ken toki e ni: “toki+pona li seme? toki+pona li ni.” taso nasin ni li musi ala li pona ala. mi wile kepeken nasin ni: “toki+pona li sama seme? toki+pona li sama ni.” nasin ni pi++pana sona li musi li pana pona e sona.

open la mi wile toki e ni: nasin toki li sama seme? nasin toki li sama nasin sitelen. ni li tan seme? nasin sitelen la jan li kepeken sitelen tawa nimi. nasin toki la jan li kepeken nimi tawa ijo pi++lawa jan. ijo pi++lawa jan li sona anu pilin anu wile.

ni la, toki+pona en nasin toki ante li sama nasin sitelen seme? toki+ante li sama sitelen [_sona_o_ni_kon_o]. sitelen [_sona_o_ni_kon_o] la sitelen+ante li lon tawa nimi ale. toki+ante pi+toki+pona li sama ni. toki+ante li jo e nimi+ante tawa ijo ale pi++lawa jan.

ni la toki ale li sama sitelen [_sona_o_ni_kon_o], taso toki+pona li sama sitelen [_luka_awen_sitelen_insa_ni_awen]. sitelen [_luka_awen_sitelen_insa_ni_awen] li jo e sitelen wan tawa kalama ale. jan li wile sitelen e nimi la ona li wile kepeken kulupu pi+sitelen+kalama. ni li sama toki+pona. toki+pona li jo ala e nimi+ante tawa ijo ale pi++lawa jan. toki+pona la jan li wile kepeken nimi mute tawa pana pi++ijo lawa.

sitelen [_sona_o_ni_kon_o] li ike ala li nasin pona tan ijo mute. taso sitelen+kalama sama sitelen [_luka_awen_sitelen_insa_ni_awen] li jo e wawa+ante. toki+pona li jo e wawa+ante sama ni. tenpo+ante la mi wile toki e ni.

2021-03-07 la mi ante e lipu ni. tenpo kama ona la mi ante ala.